Gamyam - Oneway Oneway

Oneway oneway

Oneway oneway జీవితానికి ఎక్కడ ఉందో గమ్యమన్నది

తెలియదు అన్నా ఆగదే మరి సాగిపోయే ప్రయాణం

Runway లాటిది కాదుగా ఇది ఎన్నో ఎన్నో మలుపులున్నది

ఎగుడు దిగుడు చూసుకోనిది పరుగు తీసే ప్రవాహం

ఈ దారిలోన నవ్వు చిలకరించే మల్లె పూవులెన్నో

తీయ తీయగానె నిన్ను గాయపరిచే తేనెటీగలెన్నో

ఎంత వింతనీ తెలుసుకో ప్రపంచం

అంతు తేలని సృష్టిలో రహస్యం

జగమే ఒక మాయ బతుకే ఒక మాయ

అది అన్నది ఎవరో అది విన్నది ఎవరో

మనసునే పట్టిలాగే ప్రేమెంత మాయ అనుకున్నా

ఒక్క చూపుకై బతికే ఆ మాయలో హాయిలేగా

ఇప్పుడిక్కడ రేపు ఎక్కడ అన్న ఈ mysteryకి

బదులు ఎవ్వరూ చెప్పలేరుగా అందుకే నేటి రోజే నీది

ఎంత చిన్నదో తెలుసుకో జీవితం

అంతకన్న అతి చిన్నదీ యవ్వనం

తను పుట్టిన చోటే ఉంటుందా చినుకు

తను వెళ్ళే చోటే తెలుసా మరి మనకు

నిన్న అన్నదిక రాదు గతమంటె ఎందుకా మోజు

రేపు అన్న ఆ రోజు కలలాంటిదే కదా మనకు

ఎన్ని వేల చిరు వేషాలో కలిపి మనిషి అవతారం

కళ్ళు మూసి తెరిచేలోగా మారిపోతుంది నాటక రంగం

ఎంత చిత్రమో తెలుసుకో ప్రపంచం

తెలుసుకుంటె నీ సొంతమే సమస్తం

Jalsa - Ni Payanam Ekkadiko

నీ పయనం ఎక్కడికో

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

నీ పయనం ఎక్కడికో నీకు తెలియాలిగా

ఏ సమరం ఎవ్వరితో తేల్చుకో ముందుగా

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

చంపనిదే బతకవనీ బతికేందుకు చంపమనీ

నమ్మించే అడవిని అడిగేం లాభం బతికే దారెటనీ

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

సంహారం సహజమనీ సహవాసం స్వప్నమనీ

తర్కించే తెలివికి తెలిసేనా తానే తన శతృవనీ

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

నీ పయనం ఎక్కడికో నీకు తెలియాలిగా

ఏ సమరం ఎవ్వరితో తేల్చుకో ముందుగా

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

ధీరులకీ దీనులకీ అమ్మ ఒడి ఒక్కటే

వీరులకీ చోరులకీ కంటతడి ఒక్కటే

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

అపుడెపుడో ఆటవికం మరి ఇపుడో ఆధునికం

యుగయుగాలుగా ఏ మృగాల కన్నా ఎక్కువ ఏం ఎదిగాం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

రాముడిలా ఎదగగలం రాక్షసులను మించగలం

రకరకాల ముసుగులు వేస్తూ మరిచాం ఎపుడో సొంత ముఖం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

తారలనే తెంచగలం తలుచుకుంటే మనం

రవికిరణం చీల్చగలం రంగులుగా మార్చగలం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

Gamyam - Entavaraku Endukoraku

ఎంతవరకు ఎందుకొరకు

ఎంతవరకు ఎందుకొరకు ఇంత పరుగు అని అడక్కు

గమనమే నీ గమ్యమైతే బాటలోనే బ్రతుకు దొరుకు

ప్రశ్నలోనే బదులు ఉందే గుర్తు పట్టే గుండెనడుగు

ప్రపంచం నీలో ఉన్నదని చెప్పేదాక ఆ నిజం తెలుసుకోవా

తెలిస్తే ప్రతిచోట నిను నువ్వే కలుసుకొని పలకరించుకోవా

కనపడేవెన్నెన్ని కెరటాలు

కలగలిపి సముద్రమంటారు

అడగరేం ఒక్కొక్క అల పేరు

మనకిలా ఎదురైన ప్రతివారు

మనిషనే సంద్రాన కెరటాలు

పలకరే మనిషీ అంటే ఎవరూ

సరిగా చూస్తున్నదా నీ మది గదిలో నువ్వే కదా ఉన్నది

చుట్టు అద్దాలలో విడి విడి రూపాలు నువ్వు కాదంటున్నది

నీ ఊపిరిలో లేదా గాలి వెలుతురు నీ చూపుల్లో లేదా

మన్ను మిన్ను నీరు అన్నీ కలిపితే నువ్వే కాదా కాదా

ప్రపంచం నీలో ఉన్నదని చెప్పేదాక ఆ నిజం తెలుసుకోవా

తెలిస్తే ప్రతిచోట నిను నువ్వే కలుసుకొని పలకరించుకోవా

మనసులో నీవైన భావాలే

బయట కనిపిస్తాయి దృశ్యాలై

నీడలు నిజాల సాక్ష్యాలే

శత్రువులు నీలోని లోపాలే

స్నేహితులు నీకున్న ఇష్టాలే

ఋతువులు నీ భావ చిత్రాలే

ఎదురైన మందహాసం నీలోని చెలిమి కోసం

మోసం రోషం ద్వేషం నీ మకిలి మదికి భాష్యం

పుట్టుక చావు రెండే రెండూ నీకవి సొంతం కావు పోనీ

జీవితకాలం నీదే నేస్తం రంగులు ఏం వేస్తావో కానియ్యి

Vaana - sirimalle vAna

సిరిమల్లె వాన

సిరిమల్లె వాన పడుతోంది లోన కనిపించదే కంటికి

వడగళ్ళ వాన ఉరిమింది ఐనా వినిపించదే జంటకి

తడిసే తరుణాన గొడుగై నే లేనా

వల అనుకోనా వలపనుకోనా కలిపిన ఈ బంధం

వలదనుకున్నా వరమనుకున్నా తమరికి నే సొంతం

చినుకై వచ్చావే వరదై ముంచావే

చిలిపిగ ఆడి చెలిమికి ఓడి గెలిచా నీపైన

తగువుకు చేరి తలపుగ మారి నిలిచా నీలోన

మనసే ఈ వింత మునుపే చూసిందా

Vaana - unnaTTA lEnaTTA

ఉన్నట్టా లేనట్టా

ఉన్నట్టా లేనట్టా ఉండుంటే నిన్నేట్టా చేరాలె సిరి తునుక

విన్నట్టా లేనట్టా వింటుంటే నా మాట ఊకొట్టవే చిలక

నిదర చెడిన ఎద కుదుట పడదు కద

ఏదో చేసుంటావే నువ్వు అమ్మాయీ అన్యాయంగా

తెలుసుకోనీ ఆకాశవాణి చెలియ వైనాన్ని

అడుగుపోనీ ఆ చిన్నదాన్ని నన్ను కలవమని

ఏమంత పని ఉందని పారిపోయింది సౌదామిని

ఏ సంగతీ చెప్పక

మెరుపుతీగా! నీ మెలిక నాలో మిగిలిపోయిందే

చిలిపి సైగా! నా మనసు నీతో వలస పోయిందే

నువ్వు తాకినట్టుండగా ఓ తడి గొంతు వదిలావుగా

మరచి పోనివ్వక

Vaana - DhOlArE dhumAraM dEkhOrE

ఢోలారే ధుమారం దేఖోరే

ఢోలారే ధుమారం దేఖోరే

అరే అరే అనరే బాపురే

ఝూమోరే ఝమాఝం నాచోరే

హుర్రే హుర్రే అనదా ఊపిరే

అరె పిల్లగాలి పలికిందా సన్నాయి పాటలా

అరె కళ్ళలోన కులికిందా హరివిల్లు నేడిలా

కింద మీద చూడనంటు సందడేదొ ఆగనంటు

బొంగరాల గింగిరాల చందనాలు రేగు వేళ

మనింటిలో వేడుక విన్నంతటా హంగామా

కళ్యాణమే చూడగ ఖంగారు కలిగిద్దామా

జగాలకే చాటుగా జువ్వల్ని ఎగరేద్దామా

చుట్టాలుగా చేరగా చుక్కల్ని దిగమందామా

ఈవాళే రావాలి పగలే ఇలా

రంగేళి రేగాలి నలువైపులా

నింగి నేల ఏకమైన రంగ రంగ వైభవాన

ఛంగు ఛంగు ఛంగుమంటు చిందులాట సాగువేళ

ఢోలారే ధుమారం దేఖోరే

అరే అరే అనరే బాపురే

పొద్దెక్కినా లేవక బజ్జోకుమా పాపాయి

నెత్తెక్కి తొక్కేతనం అత్తింటిలో ఆపేయి

కుర్రాళ్ళతో దీటుగ కుంగ్ఫులవీ మానేయి

ఎన్నాళ్ళే ఈ వాలకం ఇల్లలుగా అడుగెయ్యి

అమ్మయ్యి లోకాన్నే అమ్మాయివై

తీరంత మార్చాలి ఆరిందవై

పిల్లతాను నీ బడాయి చెల్లదింక ఆకతాయి

అల్లరంత ఇక్కడొదిలి పల్లకీని చేరువేళ

ఢోలారే ధుమారం దేఖోరే

అరే అరే అనరే బాపురే

Gautam SSC - telisiMdi kadA nEDu

తెలిసింది కదా నేడు

తెలిసింది కదా నేడు గెలుపెంత రుచో చూడు

తెలివుంది కదా తోడు తలవంచకు ఏనాడు

తన పడుచుదనం పదునుగుణం తెలిసినవాడు

ఇక తనను తనే ఎదురుకునే పొగరౌతాడు

థదిగిణతోం అని చిలిపి చిటిక వేద్దాం

కథకళితో మన పదము కదిపి చూద్దాం

తికమకతో బడి చదువు బరువు మోద్దాం

పగపగతో శృతి కలిపి సులువు చేద్దాం

దారే గోదారైతే దాన్నే ఈదాలంతే

ఉరుము సడే ఉలికిపడే చినుకు స్వరాలం

పీడకలే వేడుకలా మార్చుకోగలం

పరిగెడితే ఎటు అనదు పడుచు ప్రాయం

పనిపడితే మన మనసె మనకు సాయం

పడగొడితే కనబడని పిరికి సమయం

వెలుగవదా తను చేసిన ప్రతి గాయం

కయ్యం కోరిందంటే కాలం ఓడాలంతే

ప్రతి విజయం వదలి మరో ముందడుగేద్దాం

వెనకతరం చదువుకునే కథ మనమౌదాం