Manmadhudu - nEnu nEnugA lEnE

నేను నేనుగా లేనే

నేను నేనుగా లేనే నిన్న మొన్నలా

లేని పోని ఊహల్లో ఏమిటో ఇలా

ఉన్నపాటుగా ఏదో కొత్త జన్మలా

ఇప్పుడే ఇక్కడే పుట్టినట్టుగా

పూల చెట్టు ఊగినట్టు పాల బొట్టు చిందినట్టు

అల్లుకుంది నా చుట్టు ఓ చిరునవ్వు

తేనె పట్టు రేగినట్టు వీణ మెట్టు ఒణికినట్టు

ఝల్లుమంది గుండెల్లో ఎవరే నువ్వు

నా మనసుని మైమరపున ముంచిన ఈ వాన

మీకెవరికి కనిపించదు ఏమైనా

చుట్టుపక్కలెందరున్నా గుర్తు పట్టలేక ఉన్నా

అంతమంది ఒక్కలాగే కనబడుతుంటే

తప్పు నాది కాదు అన్నా ఒప్పుకోరు ఒక్కరైనా

చెప్పలేని నిజమేదో నాకూ వింతే

కళ్ళను వదిలెళ్ళను అని కమ్మిన మెరుపేదో

చెప్పవ కనురెప్పలకే మాటొస్తే

Manmadhudu - guMDellO EmuMdO

గుండెల్లో ఏముందో

గుండెల్లో ఏముందో కళ్ళళ్ళో తెలుస్తుంది

పెదవుల్లో ఈ మౌనం నీ పేరే పిలుస్తోంది

నిలవదు కద హృదయం నువు ఎదురుగ నిలబడితే

కదలదు కద సమయం నీ అలికిడి వినకుంటే

కలవరమో తొలివరమో తెలియని తరుణమిది

గుండెల్లో ఏముందో కళ్ళళ్ళో తెలుస్తుంది

పెదవుల్లో ఈ మౌనం నీ పేరే పిలుస్తోంది

పువ్వులో లేనిది నీ నవ్వులో ఉన్నది

నువ్వు ఇపుడన్నది నేనెప్పుడూ విననిది

నిన్నిలా చూసి పైనించి వెన్నెలే చిన్నబోతోంది

కన్నులే దాటి కలలన్నీ ఎదురుగా వచ్చినట్టుంది

ఏమో ఇదంతా నిజంగా కలలాగే ఉంది

ఎందుకో తెలియని కంగారు పుడుతున్నది

ఎక్కడా జరగని వింతేమి కాదే ఇది

పరిమళం వెంట పయనించే పరుగు తడబాటు పడుతోంది

పరిణయం దాకా నడిపించే పరిచయం తోడు కోరింది

దూరం తలొంచే ముహూర్తం ఇంకెపుడొస్తుంది

గుండెల్లో ఏముందో...

Manmadhudu - cheliyA cheliyA chEjAri

చెలియా చెలియా

చెలియా చెలియా చేజారి వెళ్ళకే

సఖియా సఖియా వంటరిని చేయకే

నడి రేయి పగలు చూడక

సుడిగాలై వస్తా సూటిగా

ఎడబాటే బాటై రానా నీదాకా

పడి లేచే ఎరటం తీరుగా

దిశలన్నీ దాటే హోరుగా

నిను తాకే దాకా ఆగదు నా కేక

కదలికే తెలియని శిలని కదిలిం ఓ ప్రేమా

కలయికే కల అని మాయమైపోకుమా

గతముగా మిగిలిన చితిని బతికించి ఓ ప్రేమా

చెరిపినా చెరగని గాయమైపోకుమా

మౌనమా అభిమానమా పలకవా అనురాగమా

ఒడిపోకే ప్రాణమా వీడిపోకుమా

అడుగడుగు తడబడుతు నిను వెతికి వెతికి కనులు అలిసిపోవాలా

నిలిచిపో సమయమా తరమకే చెలిమి ఇకనైనా

చెలిమితో సమరమా ఇంతగా పంతమా

నిలవకే హృదయమా పరుగు ఆపొద్దు క్షణమైనా

నమ్మవేం ప్రణయమా అంత సందేహమా

వేరుచేసే కాలమా చేరువైతే నేరమా

దాడి చేసే దూరమా దారి చూపుమా

విరహాలే కరిగేలా జత కలిపి నడుపు వలపు కథలు గెలిచేలా

Manmadhudu - nA manasunE

నా మనసునే

నా మనసునే మీటకే నేస్తమా

నా దారిలో చేరకే చైత్రమా

సరదాల చిలిపితనమా

చిరునవ్వులొని స్వరమా

నా తలుపు తట్టి కదిలించకే కవ్వించకే ప్రేమా

నా మనసునే మీటకే నేస్తమా

నా దారిలో చేరకే చైత్రమా

నాకెందుకిలా ఔతోంది చెప్పవా ఒక్క సారి

నీ వెంటపడే ఆశలకే చూపవా పూల దారి

చినుకల్లే చేరి వరదల్లే మారి ముంచేస్తే తేలేదెలాగా

తడిజాడ లేని తమ గుండెలోని దాహాలు తీరేదెలాగా

లేనిపోని సయ్యాటతో వెంటాడకే ప్రేమా

నీ కనులలో వెలగనీ ప్రియతమా

నీ పెదవికే తెలుపనీ మధురిమా

నీ ఊహలలో కొంటెతనం పలకరిస్తోంది నన్ను

నీ ఊపిరితో అల్లుకుని పులకరిస్తోంది వెన్ను

అలవాటు పడిన ఎద చీకటింట సరికొత్త వేకువై రావా

కిరణాలు పడని తెరచాటులోని ఏకాంతమే వదులుకోవా

నన్ను నేను మరిచేంతల మురిపించకే ప్రేమా

నీ కనులలో వెలగనీ ప్రియతమా

నీ పెదవికే తెలుపనీ మధురిమా

సరదాల చిలిపితనమా

చిరునవ్వులొని స్వరమా

నా తలుపు తట్టి కదిలించకే కవ్వించకే ప్రేమా