Saturday, April 25, 2009

Rudraveena - Cuttu Pakka Choodara

చుట్టుపక్కల చూడరా


చుట్టుపక్కల చూడరా చిన్నవాడ!

చుక్కల్లో చూపు చిక్కుకున్నవాడ

కళ్ళముందు కటిక నిజం

కానలేని గుడ్డి జపం

సాధించదు ఏ పరమార్ధం

బ్రతుకును కానీయకు వ్యర్ధం


స్వర్గాలను అందుకొనాలని వడిగా గుడి మెట్లెక్కేవు

సాటి మనిషి వేదన చూస్తు జాలిలేని శిలవైనావు

కరుణను మరిపించేదా చదువు సంస్కారం అంటే

గుండె బండగా మార్చేదా సంప్రదాయమంటే


నువ్వు తినే ప్రతి ఒక మెతుకు ఈ సంఘం పండించింది

గర్వించే ఈ నీ బ్రతుకు సమాజమే మలిచింది

ఋణం తీర్చు తరుణం వస్తే తప్పించుకు పోతున్నావా

తెప్ప తగలపెట్టేస్తావా ఏరు దాటగానే