Swati Kiranam - Aanati Neeyara

ఆనతినీయరా హరా

ఆనతినీయరా హరా

సన్నుతిసేయగా సమ్మతినీయరా దొరా! సన్నిధిజేరగా

ఆనతినీయరా హరా

నీ ఆన లేనిదే రచింపజాలునా

వేదాల వాణితో విరించి విశ్వనాటకం

నీ సైగ కానిదే జగాన సాగునా

ఆయోగమాయతో మురారి దివ్యపాలనం

వసుమతిలో ప్రతి క్షణం పశుపతి నీ అధీనమై

కదులునుగా సదా సదాశివా

ఆనతినీయరా హరా

అచలనాధ అర్చింతునురా

ఆనతినీయరా

జంగమదేవర సేవలు గొనరా

మంగళదాయక దీవెనలిడరా

సాష్టాంగముగ దండము చేతురా

ఆనతినీయరా

శంకరా శంకించకుర

వంకజాబిలిని జడను ముడుచుకుని

విషపునాగులను చంకనెత్తుకుని

నిలకడనెరుగని గంగనేలి ఏ వంకలేని నా వంకనొక్క

కడగంటి చూపు పడనీయవేయిని

నీ కింకనుక సేవించుకుందురా

ఆనతినీయరా

రక్షా ధర శిక్షాదీక్ష ద్రక్షా విరూపాక్ష

నీ కృపావీక్షనాపేక్షిత ప్రతీక్షనుపేక్ష చేయక

పరీక్ష చేయక రక్ష రక్షయను ప్రార్ధన వినరా

ఆనతినీయరా హరా

సన్నుతిసేయగా సమ్మతినీయరా

Okkadu - Ramunnaina Krushnunnaina

రాముణ్ణైన కృష్ణుణ్ణైన

హరే రామ హరే రామ రామ రామ హరే హరే
హరే కృష్ణ హరే కృష్ణ కృష్ణ కృష్ణ హరే హరే

రాముణ్ణైన కృష్ణుణ్ణైన కీర్తిస్తూ కూర్చుంటామా
వాళ్ళేం సాధించారో కొంచెం గుర్తిద్దాం మిత్రమా
సంద్రం కూడ స్థంబించేలా మన సత్తా చూపిద్దామా
సంగ్రామంలో గీతాపాఠం తెలుపమా!

చార్మినార్ చాటు కథకీ తెలియదీ నిత్య కలహం
భాగమతి ప్రేమ స్మృతికి బహుమతీభాగ్యనగరం
ఏ మాయ తంత్రం మతమై నాటి చెలిమిని చెరిపెర
ఓం శాంతి మంత్రం మనమై జాతి విలువని నిలుపర

పసిడి పతకాల హారం కాదురా విజయతీరం
ఆటనేమాటకర్ధం నిను నువే గెలుచు యుద్ధం
శ్రీరామ నవమి జరిపే ముందు లంకను గెలవర
ఈ విజయదశమి కావాలంటే చెడును జయించర

Kick - Gore Gore

గోరే గోరే

గోరే గోరే గోగోరే గోరే గోరే గోగోరే గోగోరే

పోపోపొమ్మంటోందా నను రారా రమ్మంటోందా

నీ మనసేమంటోందో నీకైనా తెలిసిందా

పోపోపొమ్మంటోందా నను రారా రమ్మంటోందా

నీ మనసేమంటోందో నీకైనా తెలిసిందా

చూస్తూ చూస్తూ సుడిగాలల్లే చుట్టేస్తుంటే నిలువెల్లా

ఉక్కిరి బిక్కిరి ఐపోతున్నా ఊపిరి ఆడక నీ వల్లా

ఇదరా అదరా ఎద ఏమన్నా తెలిసే వీలుందా

గోరే గోగోరే గోరే గోరే గోగోరే గోగోరే

గోరే గోరే గోగోరే గోరే గోరే గోగోరే గోగోరే

తెగ ఉరుముతు కలకాలం

తెరమరుగున తన భారం

మోసుకుంటు తిరగదు మేఘం

నీలా దాచుకోదుగా అనురాగం

ముల్లుగా నాటితే నీ వ్యవహారం తుళ్ళిపడదా నా సుకుమారం

మెల్లగ మీటితే నాలో మారం పలికుండేదే మమకారం

ఔనా ఐనా నన్నే అంటావే నేరం నాదా

గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే

వెంటపడుతుంటే వెర్రి కోపం

నువ్వు కంటపడకుంటే పిచ్చి తాపం

మండిపడుతుందే హృదయం

మరిచే మద్యమైనా చెప్పదే సమయం

నీతోనీకే నిత్యం యుద్ధం ఎందుకు చెప్పవే సత్యభామా

ఏం సాధిస్తుందే నీ పంతం ఒప్పుకుంటే తప్పు లేదే ఉన్న ప్రేమా

తగువా మగువా నా పొగరంటే నీకిష్టం కాదా

గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే

Kick - Atu Chudoddannana

అటు చూడొద్దన్నానా

అటు చూడొద్దన్నానా మాటాడొద్దన్నానా
ఒద్దొద్దు అంటే విన్నావంటే మనసా
ఏం పరవాలేదనుకున్నావేమో బహుశా
ఈ తలనొప్పేదైనా నీ తప్పేంలేదన్నా
అయ్యయ్యో అంటారేమో గానీ మనసా
పడవలసిందేగా నువిలా నానా హింస

ప్రేమని కదిలించావే తోచీతోచని తొలి వయసా
ఎందుకు బదులిచ్చావే తెలిసి తెలియని పసి మనసా

మునుపేనాడూ ఏ కుర్రాడు పడలేదంటే నీ వెనకాలా
వందలు వేలు ఉండుంటారు మతి చెడలేదే ఇలా వాళ్ళందరి వల్లా
ఎందుకివాళే ఇంత మంటెక్కిందో చెబుతావా
ఏం జరిగుంటుందంటే అడిగినవాళ్ళని తిడతావా
అందరి లాగా వాణ్ణి వీధుల్లో వదిలెసావా
గుండెల గుమ్మందాటి వస్తుంటే చూస్తున్నావా

ఏ దారైనా ఏ వేళైనా ఎదురౌతుంటే నేరం తనదే
ఇంట్లో ఉన్నా నిదరోతున్నా కనిపిస్తుంటే ఆ చిత్రం నీలో ఉందే
ఎవ్వరినని ఏం లాభం ఎందుకు ఎద లయ తప్పిందే
ఎక్కడ ఉందో లోపం నీతో వయసేంచెప్పిందే
అలకో ఉలుకో పాపం ఒప్పుకునేందుకు ఇబ్బందే
కనకే నాకీకోపం కన్నెగా పుట్టిన నామీదే

Subhakankshalu - Anandamanandamaye

ఆనందమానందమాయే

ఆనందమానందమాయే మది ఆశల నందనమాయే

మాటలు చాలని హాయే ఒక పాతగ మారిన మాయే

కాలమే పూలదారి సాగనీ

గానమే గాలిలాగ తాకనీ

నీ స్వరం నాదిగా ఈ క్షణం పలికినది

నూవునడచు దారుల్లో పూలు పరచి నిలుచున్నా

అడుగు పడితే గుండెల్లో కొత్త సడిని వింటున్నా

నీలికళ్ళ ముంగిట్లో నన్ను నేను కనుగొన్నా

నిండు గుండె గుమ్మంలో తోరణంగా నేనున్నా

నీవైపే సాగే అడుగే నీతో నడవాలని అడిగే

నీ మాటే పలికే స్వరమే నీతోనే కలిసే వరమే

వేణువంటి నా హృదయంలో ఊపిరిపాటై పాడగా

ఆనందమానందమాయే మది ఆశల నందనమాయే

మాటలు చాలని హాయే ఒక పాతగ మారిన మాయే

రాగబాల రమ్మంటూ స్వాగతాలు పలికింది

ఆగలేని వేగంలో ఆశ అడుగు వేసింది

జతగా నీవు చేరాకే బ్రతుకు తీపి తెలిసింది

రెప్పచాటు లోకంలో కలల కోన కదిలింది

మనసంతా హాయిని మోసి నీ కోసం ప్రేమను దాచి

రాగాలే రాశులు పోసి ఈ గీతం కానుక చేసి

శుభాకంక్షలే పలకాలి నవ్వుల పువ్వుల మాలతో

Subhakankshalu - Manasa Palakave

మనసా పలకవే

మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై
మంచుతెరలే తెరుచుకుని మంచి తరుణం తెలుసుకుని
నవ్వులే పువ్వులై విరియగా

తుమ్మెద తుమ్మెద విన్నావమ్మా నిన్ను ఝుమ్మంటు రమ్మంది రంగేళి పూవమ్మా
మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై

నాలో కులుకుల కునుకును రేపి
లోలో తెలియని తలపులు రేపి
పిలిచే వలపుల వెలుగును చూపి లాగే రాగమిది
నీలో మమతల మధువుని చూసి
నాలో తరగని తహతహ దూకి
నీకై గలగల పరుగులు తీసి చేరే వేగమిది
ఆరారు కాలాల వర్ణాలతో నీరాజనం నీకు అందించనా
ఎడేడు జన్మాల బంధాలతో ఈ నాడు నీ ఈడు పండించనా
మరి తయ్యారయ్యే ఉన్నా వయ్యారంగా సయ్యంటు ఒళ్ళోకి వాలంగా
దూసుకొచ్చానమ్మా చూడు ఉత్సాహంగా చిన్నారి వన్నెల్ని ఏలంగా
ప్రతిక్షణం పరవశం కలగగా
మనసా పలకవే మధుమాసపు కోయిలవై
చెలిమే తెలుపవే చిగురాశల గీతికవై

ఆడే మెరుపుల మెలికల జానా
పాడే జిలిబిలి పలుకుల మైనా
రాలే తొలకరి చినుకులలోనా తుళ్ళే తిల్లానా
వేగే పదముల తపనలపైనా
వాలే చినుకుల చెమటల వానా
మీటే చిలిపిగ నరముల వీణ తియ్యని తాళానా
బంగారు శృంగార భావాలతో పొగారు ప్రాయాన్ని కీర్తించనా
అందాల మందారహారాలతో నీ గుండె రాజ్యాన్ని పాలించనా
ఇక వెయ్యేళ్ళైనా నిన్ను విడిపోనంటూ ముమ్మారు ముద్దాడి ఒట్టేయనా
ఇక వెళ్ళాలన్నా ఇంక వీల్లేదంటూ స్నేహాల సంకెళ్ళు కట్టేయనా
కాలమే కదలక నిలువగా

Subhakankshalu - Gunde Ninda

గుండె నిండా

గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
వెంటనే పోల్చాను నీ చిరునామా ప్రేమా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే

చూస్తూనే మనసు వెళ్ళి నీ ఒళ్ళో వాలగా
నిలువెల్లా మారిపొయా నేనే నీ నీడగా
నిలువదు నిముషం నువు యెదురుంటే
కదలదు సమయం కనపడకుంటే
నువ్వొస్తూనే ఇంద్రజాలం చేశావమ్మా
కవ్విస్తూనే చంద్రజాలం వెశావమ్మా
పరిచయమే చేశావే నన్నే నాకు కొత్తగా ఓ ప్రేమా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే

నీ పేరే పలవరించే నాలోని ఆశలు
మౌనాన్నే ఆశ్రయించే ఎన్నెన్నో ఊసులు
తెరిచిన కనులే కలలకు నెలవై
కదలని పెదవే కవితలు చదివే
ఎన్నెన్నెన్నెన్నో గాథలున్న నీ భాషని
ఉన్నట్టుండి నేర్పినావే ఈ రోజుని
నీ జతలో క్షణమైనా బ్రతుకును చరితగా మార్చెస్తుందమ్మా
గుండె నిండా గుడిగంటలు గువ్వల గొంతులు ఎన్నో మోగుతుంటే
కళ్ళ నిండా సంక్రాంతులు సంధ్రాకాంతులు శుభాకాంక్షలంటే
వెంటనే పోల్చాను నీ చిరునామా ప్రేమా

Ankuram - Evaro Okaru

ఎవరో ఒకరు

ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు
మొదటి వాడు ఎప్పుడూ ఒక్కడే మరీ
మొదటి అడుగు ఎప్పుడూ ఒంటరే మరీ
వెనుకవచ్చు వాళ్ళాకు బాట అయినది
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు

కదలరు ఎవ్వరూ వేకువ వచ్చినా
అనుకుని కోడి కూత నిదరపోదుగా
జగతికి మేలుకొల్పు మానుకోదుగా
మొదటి చినుకు సూటిగా దూకిరానిదే
మబ్బుకొంగు చాటుగా ఒదిగి దాగితే
వానధార రాదుగా నేలదారికీ
ప్రాణమంటు లేదుగా బ్రతకడానికీ
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు

చెదరకపోదుగా చిక్కని చీకటి
మిణుగురు రెక్కచాటు చిన్ని కాంతికి
దానికి లెక్కలేదు కాళరాతిరీ
పెదవి ప్రమిద నిలపనీ నవ్వు జ్యోతినీ
రెప్పవెనుక ఆపనీ కంటినీటినీ
సాగలేక ఆగితే దారి తరుగునా?
జాలిచూపి తీరమే దరికి చేరునా
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు

యుగములు సాగినా నింగిని తాకక
ఎగసిన అలల ఆశ అలిసిపోదుగా
ఓటమి ఒప్పుకుంటు ఆగిపోదుగా
ఎంత వేడి ఎండతో ఒళ్ళు మండితే
అంత వాడి ఆవిరై వెళ్ళి చేరదా
అంత గొప్ప సూర్యుడు కళ్ళు మూయడా
నల్ల మబ్బు కమ్మితే చల్లబారడా
ఎవరో ఒకరు ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు

Chirunavvuto - Ninnala Monnala

A super-light and funny song!
నిన్నలా మొన్నలా

నిన్నలా మొన్నలా లేదురా
ఇవాళ కాలమే స్పీడుగా ఉందిరా
అన్నిటా అంతటా తొందర
రొమాన్స్ పద్ధతే మారిపోయిందిరా

ఇల్లు చూసి సెల్ఫోను బిల్లు చూస్తేనే భామ చూసి నవ్వుతుందిరా
ఇంగిలీషు భాషలోన ప్రేమిస్తేనే ఆమె నిన్ను మెచ్చుతుందిరా
ప్రేమంటే అర్ధం అంతా ఐ లవ్ యూ లో లేదయ్యో
గుండెల్లో భావం మొత్తం గ్రీటింగ్ కార్డే కాదయ్యో

మనసంటూ మరోటంటూ అతిగా ఫీలైపోకమ్మా
మజ్నూలా ఇదైపోతూ ఫోసెందుకు మామా
విరహాలు వియోగాలు బీసీనాటి సరంజామా
వీ చానెల్ రోజుల్లో అవినీకవసరమా
లవ్ కి లైఫ్ కి లింకు పెట్టుకొందుకి దేవదాసు రోజులా ఇవి
రోమియో జూలియెట్ లాగ చావటానికి సిద్ధపడ్డ ప్రేమలా ఇవి

కాషుంటే ఖరీదైన బహుమానాలే కొనిపెట్టు
క్లుప్తంగా పనైపోయే మార్గం కనిపెట్టు
టైముంటే అదే పనిగా మాటల్తో మతిపోగొట్టు
లేకుంటే ఐ యాం సారీ మంత్రం సరిపెట్టు
కాగితం పూలకి అంటుకున్న సెంటురా నేటి కొత్త ప్రేమ ఫార్ములా
జీవితం స్కేలులో చిన్న సెంటిమెంటురా అంతకన్న సీనులేదురా

Rudraveena - Cuttu Pakka Choodara

చుట్టుపక్కల చూడరా

చుట్టుపక్కల చూడరా చిన్నవాడ!

చుక్కల్లో చూపు చిక్కుకున్నవాడ

కళ్ళముందు కటిక నిజం

కానలేని గుడ్డి జపం

సాధించదు ఏ పరమార్ధం

బ్రతుకును కానీయకు వ్యర్ధం

స్వర్గాలను అందుకొనాలని వడిగా గుడి మెట్లెక్కేవు

సాటి మనిషి వేదన చూస్తు జాలిలేని శిలవైనావు

కరుణను మరిపించేదా చదువు సంస్కారం అంటే

గుండె బండగా మార్చేదా సంప్రదాయమంటే

నువ్వు తినే ప్రతి ఒక మెతుకు ఈ సంఘం పండించింది

గర్వించే ఈ నీ బ్రతుకు సమాజమే మలిచింది

ఋణం తీర్చు తరుణం వస్తే తప్పించుకు పోతున్నావా

తెప్ప తగలపెట్టేస్తావా ఏరు దాటగానే

Sasirekha Parinayam - Edo Oppukonandi

ఏదో ఒప్పుకోనంది

ఏదో ఒప్పుకోనంది నా ప్రాణం

అది ఏదో చెప్పనంటోంది నా మౌనం

ఉబికి వస్తుంటే సంతోషం

అదిమి పెడుతోంది ఉక్రోషం

తన వెనుక నేనో నా వెనుక తానో

ఎంత వరకీ గాలి పయనం

అడగదే ఉరికే ఈ వేగం

ముల్లులా బుగ్గను చిదిమిందా

మెల్లగా సిగ్గును కదిపిందా

వానలా మనసును తడిపిందా

వేలలా తనువును తడిమిందా

చిలిపి కబురు ఏం విందో

వయసుకేమి తెలిసిందో

ఆదమరుపో ఆటవిడుపో

కొద్దిగా నిలబడి చూద్దాం ఓ క్షణం అంటే కుదరదంటోంది నా ప్రాణం

వలదంటే ఎదురుతిరిగింది నా హృదయం

Sasirekha Parinayam - Ila Entasepu

ఇలా ఎంత సేపు

ఇలా ఎంత సేపు నిన్ను చూసినా

సరే, చాలు అనదు కంటి కామన

ఎదో గుండెలోని కొంటె భావన

అలా ఉండిపోక పైకి తేలునా

కనులను ముంచిన కాంతివొ

కలలను పెంచిన భ్రాంతివొ

కలవనిపించిన కాంతవొ

మతి మరపించిన మాయవొ

మది మురిరిపించిన హాయివొ

నిదురని తుంచిన రేయివొ

శుభలేఖలా నీకళ స్వాగతిస్తోందొ

శశిరేఖలా సొగసెటో లాగుతూ ఉందో

తీగలా అల్లగా చేరుకోనుందో

జింకలా అందక జారిపోనుందో

మనసున పూచిన కోరిక

పెదవుల అంచును దాటక

అదుముతు ఉంచకే అంతగ

అనుమతినివ్వని ఆంక్షగ

నిలబడనివ్వని కాంక్షగ

తికమక పెట్టక ఇంతగ

మగపుట్టుకే చేరని మొగలి జడలోన

మరుజన్మగా మారని మగువు మెడలోన

దీపమై వెలగనీ తరుణి తిలకాన

పాపనై ఒదగనీ పడతి ఒడిలోన

నా తలపులు తన పసుపుగ

నా వలపులు పారాణిగ

నడిపించిన పూదారిగ

ప్రణయము విలువే కొత్తగ

పెనిమిటి వరసే కట్టగ

బ్రతకన నేనే తానుగ

Ela Cheppanu - Ee Kshanam

ఈ క్షణం

ఈ క్షణం ఒకే ఒక కోరిక

నీ స్వరం వినాలని తీయగ

కరగని దూరములో

తెలియని దారులలో

ఎక్కడున్నావు అంటోంది ఆశగా

ఎన్ని వేల నిమిషాలో లెక్కపెట్టుకుంటోంది

ఎంత సేపు గడపాలో చెప్పవేమి అంటోంది

నిన్నే నీవు వెళ్ళావన్న సంగతి గుర్తేలేని గుండె ఇది

మళ్ళి నిన్ను చూసేదాక నాలో నన్ను ఉండనీక ఆరాటంగ కొట్టుకున్నది

రెప్పవేయనంటోంది ఎంత పిచ్చి మనసు ఇది

రేపు నువ్వు రాగానే కాస్త నచ్చజెప్పు మరి

నిన్న మొన్న చెప్పుకున్న ఊసులే మళ్ళి మళ్ళి తలచుకుని

ఇంకా ఎన్నో ఉన్నాయంటు ఇప్పుడే చెప్పాలంటు నిద్దరోను అంటోంది